Սոցիալակամ մեդիա մարքեթինգը շարունակում է մնալ թվային մարքեթինգի ամենադինամիկ զարգացող եւ թրենդային ուղղություններից մեկը:
DataRental-ի փոխանցմամբ, համացանցից օգտվողների մոտ 94.2%-ը օգտվում է սոցիալական ցանցերից, ինչը հսկայական հնարավորություններ է ստեղծում բիզնեսների համար բրենդի ճանաչելիության բարձրացման եւ վաճառքների ավելացման տեսանկյունից:
Այս հոդվածում կխոսենք SMM-ի տեսակների և հնարավորությունների մասին, կստանանք շատ հարցերի պատասխաններ:
Ի՞նչ է SMM-ը
Սոցիալական մեդիա մարքեթինգը թվային մարքեթինգի ամենահաճախ օգտագործվող ուղղություններից է, որի նպատակն է սոցիալական ցանցերի միջոցով բրենդի, ապրանքի կամ ծառայության առաջխաղացումը:
Սոց. հարթակները հսկայական հնարավորություններ են ստեղծում բիզնեսի համար՝ բրենդի ճանաչելիության բարձրացում, դեպի կայք այցելությունների գեներացում, պոնտեցիալ հաճախորդների ներգրավում եւ այլն:
Այնուամենայնիվ, SMM-ը միայն սոցիալական հարթակներում էջ ունենալը եւ կանոնավոր կերպով կոնտենտի հրապարակումը չէ: Այն թիրախային լսարանին ուսումնասիրելու, նրանց պահվածքը վերլուծելու, թրենդներին հետևելու, արդյունքները վերլուծելու և դրանց հիման վրա ռազմավարությունը փոփոխելու մասին է՝ ստանալու համար առավելագույն արդյունք: Եվ իհարկե՝ այս ամենը միայն հստակ մշակված պլանի հիման վրա:
Ինչպե՞ս է աշխատում SMM-ը
SMM-ը աշխատում է սոց. հարթակների հնարավորությունների՝ օգտատերերի հսկայական բազայի, ներգրավվածության բարձր մակարդակի, կոնտենտի ֆորմատների բազմազանության եւ թիրախավորման հնարավորությունների ճկունությամբ՝ լսարանին հաճախորդների վերածելու նպատակով:
Այս ամենն իրագործելու համար անհրաժեշտ է հստակ մարտավարություն, ներառյալ դրա կառավարումն ու մարքեթինգային ակտիվությունը սոցիալական ցանցերում, որոնք պլանավորվում են հաշվի առնելով բիզնեսի առջև դրված խնդիրները: Կարճ ասած, սոցիալական մեդիա մարքեթինգը կառուցվածքային մոտեցում է, որը ներառում է հետևյալ կետերը՝
- Նպատակների եւ թիրախային լսարանի բացահայտում
- Համապատասխան սոցիալական հարթակների ընտրություն
- Կոնտենտի ստեղծում
- Լսարանի ներգրավվածություն և ամուր կապերի ստեղծում
- Գովազդ
- Արդյունավետության վերլուծություն եւ տվյալների հիման վրա SMM ռազմավարության օպտիմալացում
Ճիշտ կազմված SMM ստրատեգիան ոչ միայն այցելություններ է բերում կայք կամ նոր հաճախորդներ, այլև բարձրացնում է բիզնեսի հանդեպ վստահությունն ու ճանաչելիությունը շուկայում:
SMM-ի հիմնական տեսակները
Սոցիալական մեդիա մարքեթինգի հիմնական տեսակներն են՝
- Կոնտենտ մարքեթինգ
- Ինֆլուենսեր մարքեթինգ
- Սոցիալական մեդիա գովազդ
- Social commerce (սոցիալական առևտուր)
- Համայնքների ստեղծում
Թվարկված բոլոր տեսակներն օգնում են բրենդին կապ հաստատել իրենց լսարանի հետ, մեծացնել ներգրավվածությունը և վաճառքները:
Կոնտենտ մարքեթինգ
Կոնտենտը թվային մարքեթինգի միակ անբաժանելի մասն է՝ լինի դա email marketing, SMM, SEO, թե ինֆլուենսեր մարքեթինգ:
Կոնտենտ մարքեթինգը սոցիալական մեդիա մարքեթինգի հիմնարար ռազմավարություն է, որը կենտրոնանում է արժեքավոր, հետաքրքիր, թիրախային լսարանի համար ռելեվանտ բովանդակության ստեղծման վրա: Այն հրապարակումների, reel-երի, story-ների և կոնտենտի այլ տեսակների ստեղծումն է՝ հարմարեցված տվյալ սոցիալական հարթակի պահանջներին:
Ինֆլուենսեր մարքեթինգ
Ինֆլուենսեր մարքեթինգը բլոգերների հետ համագործակցությունն է բրենդը, ապրանքը կամ ծառայությունները գովազդելու նպատակով:
Ինֆլուենսերները հիմնականում ունենում են հստակ թիրախային լսարան, ինչը բարձրացնում է վերջնական կոնվերսիայի հնարավորությունը: Օրինակ՝ զգեստերի ոճային համադրություններ ներկայացնող ինֆլուենսերը կարող է գովազդի միջոցով զգալիորեն բարձրացնել հագուստի օնլայն խանութի ճանաչելիությունը և վաճառքները:
Ճիշտ ինֆլուենսերի ընտրությունն ինֆլուենսեր մարքեթինգի հիմնական խնդիրն է: Նրա լսարանը, կոնտենտը և դրա արժեքը պետք է համապատասխանեն բրենդի և վերջինիս լսարանի ընդհանուր արժեքներին և հետաքրքրություններին:
Sprout Social-ի փոխանցմամբ, TikTok-ը համարվում է ինֆլուենսեր մարքեթինգում օգտագործվող ամենատարածված հարթակը: Մարքեթոլոգների մոտ 69%-ն այն ներառում է իր մարքեթինգային ռազմավարության մեջ:
Գովազդ սոցիալական հարթակներում
Սոցիալական ցանցերը մարքեթոլոգներին առաջարկում են գտնել լսարաններ համապատասխան մարդկանց հետաքրքրությունների, դեմոգրաֆիկ տվյալների, եկամտի չափի, վարքագծի և այլ չափորոշիչներ: Թիրախավորման հիմնական հնարավորությունները, որոնք ունեն գրեթե բոլոր սոցիալական հարթակները, հետևյալն են՝
- Ըստ դեմոգրաֆիկ տվյալների (սեռ, տարիք, գտնվելու վայր, կրթական մակարդակ, ամուսնական կարգավիճակ, եկամուտ եւ այլն)
- Ըստ հետաքրքրությունների (հետաքրքրված են օնլայն առևտրով, որևէ մասնագիտությամբ, որևէ սպորտաձևով և այլն)
- Ըստ վարքագծի (հաճախ ճամփորդում են, գնումներ են կատարում, ծնողներ են եւ այլն)
- Ըստ օգտագործման սարքի (user-ն օգտագործում է IOS, թե՞ Android օպերացիոն համակարգ, սմարթֆոն, թե՞ համակարգիչ)
Ի տարբերություն օրգանիկ ներգրավվածության, որը սոցիալական հարթակի ալգորիթմներով պայմանավորված հաճախ կարող է շատ ցածր լինել, վճարովի գովազդն ապահովում է բարձր տեսանելիություն և չափելի արդյունքներ, իսկ ճիշտ վերլուծության արդյունքում հնարավոր է օպտիմալացնել գովազդային արշավն ու բարձրացնել մարքեթինգային ROI-ին՝ ներդրումների վերադարձը:
Գովազդների արդյունավետության բարձրացման ամենաէֆեկտիվ մեթոդը ռեթարգեթինգն է: Ռեթարգեթինգը գովազդի ցուցադրումն է այն լսարանին, որոնք արդեն ինչ-որ ձևով ներգրավվածություն են ունեցել նախկինում ցուցադրված բովանդակությանը: Օրինակ, բրենդի մասին պատմող վիդեոն 50%-ից ավելի դիտած կամ այդ հոլովակը հավանած մարդկանց կարելի է ցուցադրել կոնկրետ գովազդային առաջարկ: Հենց սա էլ ռեթարգեթինգն է:
Սոցիալական առեւտուր
Բազմաթիվ սոցիալական հարթակներ առաջարկում են միանգամից իրենց հարթակում գնումներ կատարելու հնարավորություն, ներառյալ Instagram Shopping-ն ու Facebook Marketplace-ը, ինչը հեշտացնում է մարդկանց կյանքը:
SMM-ի այս տեսակը օնլայն վաճառքներ իրականացնող բիզնեսների համար է, որոնց սոցիալական հարթակներն առաջարկում են թիրախավորված գովազդի եւ ներգրավող կոնտենտի միջոցով կատարել առևտուր պարզեցված համակարգով:
WiserNotify-ի համաձայն, համացանցից օգտվողների 27%-ը որպես ապրանքի ծանոթացման աղբյուր նախընտրում են սոցիալական ցանցերը:
Համայնքի ստեղծում
Համայնքի ստեղծումը SMM ռազմավարություն է, որը կենտրոնանում է կոնտենտի ստեղծման վրա՝ ուղղված բրենդով հետաքրքրված մարդկանց «տաքացնելու» և նրանց շրջանում հաճախորդ-բիզնես հարաբերությունների ամրապնդմանը:Այն ներառում է՝
- Նամակներին, մեկնաբանություններին եւ հարցերին պատասխանելը
- Առանձին խմբերի, ալիքների ստեղծումը, որտեղ հնարավոր է հարցուպատասխանների, մրցույթների, խաղարկությունների միջոցով բարձրացնել բրենդի վստահությունը:
Սոցիալական համայնքների հայտնի օրինակներ են ֆեյսբուքյան խմբերը, տելեգրամյան ալիքներն ու չատերը:
Այսօր խոսեցինք SMM-ի կարևորության, տեսակների, աշխատանքի սկզբունքների մասին: Հաջորդիվ կքննարկենք SMM ռազմավարություն ստեղծելու քայլերը, կխոսենք SMM արշավների և այլնի մասին: