Facebook-ն ու Instagram-ը հաճախորդներ ներգրավելու ամենաարդյունավետ թվային հարթակներից են: Հատկապես փոքր եւ միջին բիզնեսների համար Meta-ի գովազդային լուծումները եկամուտ ստանալու հիմնական աղբյուրներն են:
Դուք միացրել եք գովազդը, այն աշխատում է, ծախսում, բայց արդյունքները չեն գոհացնում: Առաջին հայացքից պատճառը գտնելը բարդ է, բայց խնդիրները հնարավոր է գտնել եւ շտկել:
Sparsis մարքեթինգային դպրոցի հերթական բլոգում ուսումնասիրում ենք Meta-ում չաշխատող գովազդի հիմնական խնդիրներն ու դրանց լուծումները:
Միշտ նույն լսարանը
Բիզնեսները հաճախ տարբեր գովազդային արշավների համար օգտագործում են նույն թիրախը, բայց այս դեպքում նույնիսկ ձեր գովազդները կարող են մրցել միմյանց դեմ:
Օգտագործեք retargeting կամ lookalike լսարաններ
Վերաթիրախավորումը գրեթե միշտ աշխատում է: Այն մարդը, ով դիտել է ձեր տեսանյութի 75%-ը, շատ ավելի հավանական է, որ գնում կկատարի, քան ցանկացած Interest-ով թիրախավորված լսարանի անդամ, դե իսկ Facebook-ի նման լսարանի (lookalike audience) օգտագործմամբ գովազդը ցուցադրվում է էջի հետ ներգրավվածություն ունեցած մարդկանց վարքագծով նման լսարանների:
Սպառված կրեատիվ (Creative Fatigue)
Անգամ հրաշալի բովանդակությունն իրեն մի օր սպառում է: Creative Fatigue նախազգուշացումը նշանակում է, որ բովանդակությունն արդեն իրեն սպառել է: Գովազդը նույն մարդկանց ցուցադրվում է հաճախակի և չի ստանում անհրաժեշտ ներգրավվածություն:
Փորձարկեք տարբեր կրեատիվներ
Ֆեյսբուքի A/B թեստավորման գործիքը փորձարկումներ իրականացնելու եւ լավ աշխատող բովանդակությունը հայտնաբերելու հրաշալի հնարավորություն է: Փորձարկեք կրեատիվները, գովազդային տեքստերը, լսարաններն այնքան, մինչեւ գտնեք ցածր արժեքով կոնվերսիաներ գրանցելու եղանակը: Ուշադրություն դարձրեք frequency-ին (հաճախականություն):
Փոփոխություններ Learning Phrase-ի ընթացքում
Facebook-ին ժամանակ է անհրաժեշտ գովազդն օպտիմալացնելու եւ թիրախային լսարանը գտնելու համար: Այս գործընթացը կոչվում է learning phrase, իսկ այդ ընթացքում հաճախակի փոփոխությունները խանգարում են համակարգին գտնել անհրաժեշտ լսարանը:
Խուսափեք փոփոխություններից
Learning Phrase-ի ընթացքում ցանկացած փոփոխություն կարող է դադարեցնել ֆեյսբուքի ալգորիթմի աշխատանքը, իսկ learning phrase-ը կսկսվի նորից: Կարճ ասած՝ թույլ տվեք ֆեյսբուքին օպտիմալացնել ձեր գովազդն ու գտնել ռելեվանտ լսարան:
Սխալ ընտրված bidding
Meta-ն գովազդատուներին թույլատրում է սահմանել կոնվերսիայի ֆիքսված գին: Օրինակ, Page Like-ի համար առավելագույն արժեք հնարավոր է սահմանել $0.1-ը, բայց այն կարող է շատ ցածր լինել աուկցիոնը հաղթելու համար:
Անհրաժեշտ է սահմանել մրցունակ գին, այլապես գովազդը պարզապես չի ցուցադրվի:
Ցուցադրության ժամանակացույցի սահմանափակումներ
Meta-ում գովազդը հնարավոր է ցուցադրել շաբաթվա կոնկրետ օրերի եւ ժամերի, բայց նման սահմանափակումները հաճախ կարող են վատ անդրադառնալ արդյունքների վրա:
Անհամապատասխան նպատակներ եւ սպասելիքներ
Միանգամից վաճառքներ ստանալը բարդ է, եթե լսարանը դեռ պատրաստ չէ դրան: Եթե ներկայացնում եք վաճառող բովանդակություն, ապա պետք է վստահ լինեք, որ ընտրված լսարանը ծանոթ է ձեր ծառայությանը/ապրանքին և գտնվում է «վաճառքների ձագարի» վերջին փուլում:
Խնդիրներ Landing page-ում
Չաշխատող գովազդի պատճառը կարող է լինել նաև Meta-ից դուրս՝ վայրէջքի էջը: Օրինակ, գովազդը կարող է ցածր արժեքով բազմաթիվ այցելություններ ապահովել, բայց կայքէջի դանդաղ կամ ոչ user friendly լինելը անպայման կխոչընդոտի արդյունավետությանը:
Նախքան գովազդ միացնելը մանրամասն ուսումնասիրեք landing page-ը, փորձարկեք տարբեր սարքավորումներով, ստուգեք եւ հասկացեք՝ արդյո՞ք այն պատրաստ է վաճառքներ գեներացնել:
Վիճակագրություն. Ինչի՞ն ուշադրություն դարձնել, երբ գովազդը լավ չի աշխատում
CTR (Click through rate)
CTR-ը գովազդի ցուցադրությունների եւ քլիքերի հարաբերակցությունն է: Այն ֆեյսբուքում սովորաբար տատանվում է 1%-ի շրջանակում: Եթե տեսնում եք, որ Ձեր CTR-ը 0.5%-ի շրջանակում է, ապա, ամենայն հավանականությամբ, ցուցադրվող առաջարկը, կրեատիվը կամ լսարանը ճիշտ ընտրված չեն:
Impression-Reach հարաբերակցությունը
Impression-ը ցուցադրությունների թիվն է, իսկ Reach-ը՝ գովազդի վրա 3+ վայրկյան կենտրոնացվածության թիվը: Եթե տարբերությունը շատ մեծ է, ապա կա՛մ բովանդակությունն է անհետաքրքիր, կա՛մ թիրախն է ոչ ռելեվանտ:
Բարձր CPC, ցածր CTR
Եթե քլիքի գինը բարձր է, իսկ CTR-ի տոկոսը՝ ցածր, ապա սա նշանակում է, որ գովազդը թիրախային լսարանին «չի հասնում»:
Ցածր ROAS
ROAS-ը (Return On Ad Spend, գովազդային ծախսերի վերադարձ), ցույց է տալիս, թե որքան շահույթ է ստանում գովազդատուն գովազդի արդյունքում: Եթե այն 1.5 անգամից ցածր է, ապա դուք ծախսում եք ավելի շատ, քան ձեր եկամուտներն են:
Խորհուրդներ՝ Facebook-ում գովազդի արյդունքները բարելավելու համար
Մանրամասն ուսումնասիրեք արդյունքները
Ֆեյսբուքի վիճակագրությունը թույլ է տալիս հստակ հասկանալ՝ որ սեռի, քաղաքի, տարիքային խմբի, հետաքրքրությունների տեր մարդկանց է հետաքրքրում գովազդը: Հաճախ այս թվերին ուշադրություն դարձնելը կարող է բավարար լինել արդյունավետությունը մեծացնելու համար:
Ուսումնասիրեք Placement-ները
Բացեք վիճակագրությունն ըստ placement-ների (story, feed, right column եւ այլն) եւ ուսումնասիրեք, թե որ վայրերում է գովազդն առավել արդյունավետ աշխատում: Գուցե կան placement-ներ, որտեղ գովազդի ցուցադրությունը անարդյունավետ է:
Խաղացեք բյուջեի հետ
Փոփոխեք լավ աշխատող ad set-երի բյուջեները, անջատեք կամ ցածրացրեք ցածր արդյունավետություն գրանցողներինը: Ֆեյսբուքյան գովազդը պահանջում է ամենօրյա հետևողականություն:
Փորձարկեք տարբեր objective-ներ
Պոտենցիալ հաճախորդին messenger-ի միջոցով գնման դրդելը կարող է ավելի արդյունավետ լինել, քան նրան կայք ուղղորդելը: Անհրաժեշտ է հասկանալ, թե որ մեթոդն է ավելի արդյունավետ աշխատում:
Վերլուծեք մրցակիցներին
Ուսումնասիրեք ոլորտի մյուս առաջարկները՝ հասկանալու համար ձեր առաջարկի որակը: Գուցե ամեն ինչ ճիշտ եք անում, բայց շուկայում կան ավելի համոզիչ և էժան առաջարկներ:
Այսքանը հաճախ բավարար է անարդյունավետ գովազդի պատճառները հասկանալու համար, իսկ մեր SMM+Reel Making դասընթացը կտա SMM-ի մասին Ձեր բոլոր հարցերի պատասխանները:
Մեկնարկը՝ հոկտեմբերի 25-ին:
